Описание
"АЛТАЙ JЕРИСТИ КОРУЛАП, ЧЕБЕРЛЕП..."
Алтай jеристи корулап, чеберлеп,
Алкап, айдынып jӱрзеҥ, алтай уул.
Бийик туулардый бажыҥды кӧдӱрип,
«Бис-алтайлар!» - деп, айтсаҥ, алтай уул.
Улус алдына уйатка тӱшпеске,
Ундыбай jӱрзеҥ эне jериҥди.
Чактаҥ арткан ас jонысты
Чӧкӧтпӧй jӱрзеҥ, алтай уул.
Аракы ашты ачаптып ичпей,
Астадып кӧрзӧҥ, алтай уул.
Арасай ичинде алтай jонысты
Артадып саларыс, сананзаҥ, алтай уул.
Туура улустыҥ алдына
Тӧрт саныҥа тӱшпе, алтай уул.
Тӧрӧл jеристи, ас jонысты
Туш улуска сатпа, алтай уул.
Коркып-ӱркип jажына jӱргенче,
Канадыс jайып, кайып не учпас?
Jалынып, jалканчып, jылып jӱргенче,
Jеҥ jастанып, jыгылып не калбас?
Тартыжу болзо, jардыҥа тӱшпей,
Тиште, тырма, бутка ойто тур!
Тизеге отурып, jалынып ӧлгӧнчӧ,
Таш кезердий турзаҥ, алтай уул!
Геннадий Сагалов
