"Йәнгүҙәй" әҙәби-ижад берекмәһе. Баймаҡ

Описание

“Йәнгүҙәй” әҙәби-ижад берекмәһе 1998 йылда Баймаҡ ҡалаһында барлыҡҡа килгән, Баймаҡ биләмә-ара үҙәк китапханаһы янында эшләй. Уны ойоштороусы - Башҡортостандың атҡаҙанған мәҙәниәт хеҙмәткәре, шул ваҡыттағы Баймаҡ үҙәкләштерелгән китапханалар селтәре директоры Луиза Дәүләтшина, ә тәүге етәксеһе шағирә Гөллирә Исхакова була. 2002 йылдан алып Айгөл Ишемғужина-Иҙелбаева етәкләй.Үҙәк район китапханаһынан Венера Ишбаева кураторлыҡ итә. Берекмә 2007 йылдан Рәйес Түләк исемен йөрөтә. 2009 йылда берекмәнең тәүге йыйынтығы донъя күрҙе. 31 авторҙан торған был йыйынтыҡ "Ирәндек гәүһәрҙәре" тип аталды. 2018 йылда Р.Түләк исемендәге “Йәнгүҙәй” әҙәби-ижад берекмәһе үҙенең 20 йыллыҡ юбилейын билдәләне. "Йәнгүҙәй" берекмәһендә ҡанат нығытып, БР һәм Рәсәй Яҙыусылар Берлегенә 4 автор ағза итеп ҡабул ителде: Әминә Яхина, Урал Мостафин, Илгиз Ишбулатов, Фәнис Сирбаев.